المشكلة..

[انين الليل]

بسم الله الرحمن الرحيم
اللهم صل على محمد وآل محمد وعجل فرجهم وارحمنا بهم ياااكررريم

انا فتحت موضوع جديد عشان اكتب المشكلة الي تعرضنا لها ..
ابوي متزوج امراه 2 وعنده منها ولدين
وامي جابت ولد و8 بنات
الامور الي صارت ليلة الخميس..
ان مرت ابوي كان عندهم زواج فخلاها ابوي عند اهلها بس جاب عيالها
عندنا واول مادخل شاف امي جالسة قام يصارخ عليها عشان تجيب له ماي
في الغرفة..
ويوم دخلوا الغرفة صارت هذرة وابوي قام يضرب امي واحنا فالصالة ومو متحملين
وجا اخوي وطق عليهم الباب وقال لابوي لاتمد يدك على امي قال ابوي شتبي؟؟
اذا ما امد يدي عليها خذها بيت اهلها قال اخوي ما اوديها قال ابوي اجل اطلع من بيتي
واخوي خذ اغراضه وطلع .. وابوي يقول لامي ماحد يدافع عنك كل الي يدافعون عنك
راحوا الحين اصبحك بطراق وامسيك بطراق والي بيتكلم بطرده زي ولدك..
وذيك الليلة امي مانامت وابوي صار مايكلمها الا بصراخ ومايبينا نساعدها في شغل البيت ..

المشكلة الاساسية .. امي صح مقصرة في بعض واجبات ابوي بس بعد ابوي اسلوبه جاف
وقاسي .. ومايراعي الشعور.. واذا قام يصارخ على احد او ضربه او شي مايبيه يزعل
يبي الواحد يضحك له حتى لوو هو منقهررر
فرق كبييير في معاملته لعياله ومعاملته لخواتي الصغار
عياله يلعب وياهم وخواتي نااادر اذا كلمهم بمزح ..

ويوم الخميس قال لي ان من اليوم وطالع اختي تذاكر لعياله ..واحنا ننظف شقة مرته
ونغسل ثياب عياله .. بس ماخلانا ننظف شقة مرته..
انا اخذت خيرة اني اكلم عمي عشان اخوي لان مانتحــــــــــمل من غيره وطلعت زينة
وليلة الجمعة سوينا صلوات محمديه ومااقصروا الي شاركوا معانا..
وحسينا براااحة واخوي الحمدلله رجع البيت ليلة الجمعة ..

بس ابوي للحين معاملته لامي قااسية ويطلب منها احيانا بصراخ وزمرة زي مانقول

استغفر الله لكني حلمت بشي وقلت لامي يمكن ابوي احد مسوي له عمل
حلمت ان كنا جالسين في الارض حوالي دائرة محددة بدوائر صغار ومدري من جا وقام يحط خطوط
في الدوائر الصغيرة .. وكاني كنت ابي احد يفتش لابوي بس خفت يدري وماخليت احد!!

ابي العلاج الشاافي .. اتمنى امي ترتااااح ..
لانها تعبت من الدنيا ومن هالظلم..

[انين الليل]

للرفـــــــــــــع

[مساعد مشرف ثالث]

بسم الله الرحمن الرحيم
اللهم صل على محمد وآل محمد الطيبين الطاهرين الأشراف وعجل فرجهم ياكريم ..

لكي يأخذ كل شخص حقه بالإجابة على أسئلته والعلاج المناسب لحالته (( الرجاء عدم رفع المواضيع لأنها ستكون الأخيرة في الرد عليها )) لأن المعالج الروحي ، سيقوم بالرد على المواضيع من الأقدم الى الأحدث (حتى وإن أصبحت المواضيع في الصفحات الأخيرة ).
وهذا أفضل لكم ولنا ولكي يكون القسم منظم ويتم الرد على المواضيع بشكل أسرع .

وفقكم الله لكل خير ببركة وسداد أهل البيت عليهم السلام .