منتديات نور السادة - السلام على قتيل العبرات

السلام ُعلى قتيل العبرات
حِزنّه اعليكْ وانجدّدْ حِزنّه
ياسبطْ الرّسولْ وانتـه منّـه
ثأر الله انته **يهّل المَهدي يمته!
يأخذْ ثارنه ايبرّدْ كَلبنه
*******
حزنه اعليك موبَسْ احنه نحزَنْ
بمصابكْ كل جبال الارض ونّنْ
الطيور بحضرتكْ يحسين يبجنْ
خَليّنه نوّنْ ونّــه اعلــه ونّـــه
******
ملائكـــة السّمــه هلّــتْ بالدمـوعْ
او نبينه الهادي يبجي وكَلبه مَفجوعْ
رأس احسينّه عل الرّمحْ مرفـــوع!!!!
بمكان الدّمع دمْ ينزلْ دَمعنـــه
*******
الارض حِزنَتْ شهر حِبسَتْ هواهه
ودم مطرتْ على الدنيه سمــاهــه
احسينْ ابن الزّجية وابــن طــه!!!؟؟
بني اميّه تذبحّه ونسكتْ احنه؟؟؟؟
*****
انـــزفْ ياكَلبْ او بجَنْ يلـعيــونْ
لاجل احسين كل ارواحنَه اتهونْ
ايمّتنــه عليــه شكـثُـــر ْيبجــــونْ
احنه كربله كل يـــوم عدنـــه
*******
حكَنه اعله الصدر نلطُم بايدينَه
كل الدنيه مهمومه او حَزينه
ريحــانة رســـولُ الله نَبينــه!!!
يذيحونه!! وحُب احسين جنّة
*****
نمشي الكربله نـــزورْ ابو اليمــّه
اونعزّي المهدي او نواسيه ابهمَّه
كــل زاير يــزور امسجّل اسمــــه
انيـــاله لحضرتـه كلمنْ تــعنّــه
******
وينْ الطاغية وين آل اميّه!!!
وينْ ابن الدّعي وابن الدعيّه
اخيام احسينْ بارض الغاضريّه
مناير صارتْ او حضرته جَنّه
******
انهضْ يبو صـــالح واخذ ثاره
واحنه اوياكْ بسْ انطي الاشاره
عله احسين الدمع ليله او نهاره
ابــدْ والله منبــطّلْ حِــــزنــّه
******
يبو صالحْ تره زينبْ سِبوهه
وهاي اطفالْ جدّك يتّموهه
عــائلتــه يويلي سلبّوهــه
واتنادي العقيلة وينْ جَدنه
******
يابويه ياعلي وحدي وغَريبه
واخوي الغالي ظلْ جثّه سليبه
الكفلني راح كَلي امين اجيبه
عباس البطل هوّ سَندنـَه
*****
اليشبه جدي ذبحوه علي الاكَبرْ
و القاسم كًــــمر جسمـــه تــوذّرْ
ونبلة حــرمله ذبحت الاصغــرْ
العليل امكَيّد وبس هوّ عدنه

******
انهض يبو صالح واخذ ثارّكْ
يابو الهمّه شو طالْ انتظاركْ
تهل يمته يبو صالح انوارك!!
تاخذ ثارنه اتبرّدْ كَلبنه
******

نزار النجفي ابومحسد

منقول