بسم الله الرحمن الرحيم
اللهم صل على محمد وآله الاطهار وعجل فرجهم يا كريم
السلام عليكم ورحمة الله وبركاته
اجيت أكتب قصيدة والقلب مكسور
من شلت القلم دمعاتي بـعيني
صار وقت الزيارة
وإسمي مو مكتوب
معقولة الأحبهم مايريدوني
أنا الخادم لخدّامك يبو الأحرار
يعني ويه الخدم لازم تكـتبوني
مو منّه وأمِنها المِنَّة لك مولاي
خدمتكم شرف وعليها ربّوني
بس اتعودت كل مرة يامولاي
اشما أطلب طلب بالحال تعطوني
شما تقسى الظروف شما تزيد أخطار
اشما زاد الذبح واشما يمنعوني
أريد أتعنى ماشي الحظرتك يحسين
حافي وشايل اهمومي على امتوني
وأشرب بالمضايف شاي أبوالسجاد
وأحس جني بالجنّة قاعد من يضَيفوني
امشي اشما أطب للسيطرة مسرور
براحتكم أقِلهم من يفتشوني
امامي الهوّية
وجاي أزور الحسين
أحييهم قبل ماهم يحييوني
بدون ازيارتك ماريده عمري يطول
يبوالسجاد بالحسرة تخلوني
إذا ماانكتب زاير إلك هالعام
وحق الزهرة أهوَن لو يدفنوني
عاين حالتي من الصبح للّيل
من كثر البچه متورّمه اجفوني
ابجي من اسمع
ملاجليل يقول
يزوّار الحسين وياكم اخذوني
...
لست اعرف هذا الشاعر الحسيني
لكنه بالفعل أتقن لسان الحال
.. وأتقن ابراز آهات قلوبنا
الهي بجاه الحسين
ارزقنا زيارة مولاي الحسين عليه السلام
(( هنيئاً والله لزوارك يا أبا عبد الله ))