شعار وعالصدر اسمك كتبناه ..... ابد والله لن ننسى حسيناه
نموت انعــيش حــبك سـيدي بــينه
مـن عالـــم الــذر وانــته تدريــنه
ابد والله لن ننسى حسيناه
ـــــــــــــــــــــــــــــ1ــــــــــــــــــــ ــــــــ
من عالـم الذر وهالعشگ بـينه
تتجننه بهواك وسيــطر عليـنه
يگولون العقل إهل العقل زينه
واعقل عاقل الي جـننه حسينه
مجانين بفخر جننه حبك ..... إبد لامانزل نبقه عله دربك
للعشـاگ قصتك سيــدي ارويـــنه
مـن عالـــم الــذر وانــته تدريــنه
ابد والله لن ننسى حسيناه
ــــــــــــــــــــــــــــ2ـــــــــــــــــــــ ــــــــ
هذا الحب عجيب ونجهل اسبـابه
يامعشوگ مثــلك ســيدي احـبابه
اذا نفسه العشگ بيك ابده اعجابه
واجاك وصاح آ يحسين ومصـابه
إلك هالكون كله ابده اهتمامه ..... وبيك اتأسر العالم نظامه
على بابك الـحب اتجـــف عناوينه
مـن عالـــم الــذر وانــته تدريــنه
ابد والله لن ننسى حسيناه
ــــــــــــــــــــــــــــــ3ـــــــــــــــــــ ــــــــ
الدنيه وياك احنه الي عرفنـــاهه
ومن غيرك فلا تســـوه لگـيناهه
اذا هالدمعه لجلك ما رخـصناهه
والصدور المصـابك ما لطمناهه
عهد نتـبره احنه من دمعنه ..... مقوله القاصي والداني سمعنه
على انجوم السمه هالـكلمه خطينه
مـن عالـــم الــذر وانــته تدريــنه
ابد والله لن ننسى حسيناه
ــــــــــــــــــــــــــــــ4ـــــــــــــــــــ ــــــــ
اذا عاشور خلصت ســيدي ايامه
يگـولون النواصب تنــسه خدامـه
منو ايقنع اليــلوم وذوله لــوامــه
ظنهم بالــمجالس ماكــو لـــطامه
تعالو وشوفو كل مجلس شكبره ..... يحيركم اكيد ويذهل امره
يالتسأل المجـــلس تـوه بــادينـــه
مـن عالـــم الــذر وانــته تدريــنه
ابد والله لن ننسى حسيناه
ــــــــــــــــــــــــــــــ5ـــــــــــــــــــ ــــــــ
ماننسه مصــابك سيــدي ويومــه
اذا نذكر جبيـــنك تــنزف دمومـه
وجسمك عالوطـيه مسلبه هـدومه
والاظلاع الصفت بالخيل مهشومه
مثل اظلاع امك الزچيه ..... هشموهه العده بالغاظريه
فاقــت هالمصـــيبه كــل مأســينه
مـن عالـــم الــذر وانــته تدريــنه
ابد والله لن ننسى حسيناه
ـــــــــــــــــــــــــــ6ــــــــــــــــــــــ ــــــــ
عهد واللـه نبـــقه انعاهـد الزهـره
نعميهه العـيون الماتهـــل عبـــره
عليك الدمعه تنزل ســيدي جمره
والمثـلك شلون وســادت الغــبره
عذر من الاحباب الحيرتهه ..... شلون الغبره انته استقبلتهه
مصـابك كل وكــت مولاي ياذيـنه
مـن عالـــم الــذر وانــته تدريــنه
ابد والله لن ننسى حسيناه
ـــــــــــــــــــــــــــــ7ــــــــــــــــــــ ــــــــ
يومــك عاش ويانــه بتفاصيـــله
إلك دمــع النواظـر سـيدي نســيله
اذا نذكر مصاب الـصار عالعــيله
ماظل لاخـــدر لاوالــي تــشكـيله
الكفيل اعله النهر جثته رميه ..... وزينب عالهزل راحت سبيه
تعجـــز عن ســبيهه كل معانــينه
مـن عالـــم الــذر وانــته تدريــنه
ابد والله لن ننسى حسيناه
ـــــــــــــــــــــــــــ8ــــــــــــــــــــــ ــــــــ
على نهجك نظل يالنهجك الجـنه
بدونك هم تــظن فـــد يوم نـتهنه
شتظن هذا الدرب هم نبـتعد عنه
نموت احنه بطريقك والله نتمـنه
نواليك برغم إنف النواصب ..... نظل بالدم الك والله نكاتب
خـــل تســمع الدنــيه الك واليـــنه
مـن عالـــم الــذر وانــته تدريــنه
ابد والله لن ننسى حسيناه
ــــــــــــــــــــــــــــ تمت والحمد لله ـــــــــــــــــــــــــــــ
منقول
10-14-2011, 06:34 PM
أبد والله ما ننسى حسيناه
