اللهم صلّ على محمد وآل محمد وعجل فرجهم

[رَبيبة الحُسين ..]

بسم الله الرحمن الرحيم
اللهم صل على محمد وآل محمد وعجل فرجهم ..

السلام عليكم ..
أنا بنت متشيعة صارلي تقريباً 6 سنوات ..
سبب تشيعي رفيجتي ..
في يوم من الأيام بالمدرسة اهيا كانت غايبة وانا استغربت ليش اهيا غابت وماقالتلي ثاني يوم لما داومت سألتها ليش غبتي قالتلي لأن امس كان عاشوراء , وسألتها شنو يعني , وشرحتلي ببساطة وعلى السريع شنو صار بعاشوراء , انا هني حسيت بشي غريب حسيت بفضول موطبيعي أبي أعرف ليش اهو انقتل وليش الشيعة يغيبون عشانه وشنو السبب وأسأله كثيرة خطرت فبالي , أول مارديت فتحت الكمبيوتر وقعدت أقرا شوي شوي وصرت كل يوم اقرا عن الامام الحسين عليه السلام ورفيجتي كانت تقولي شغلات بسيطة وانا ارد البيت وأبحث بحث مفصل عنها بعد الامام الحسين عليه السلام قريت عن مولاتي الزهراء عليها السلام وشلون اهيا انظلمت روحي فداها وكانت صدمة قوية بالنسبة لي وفجأه حسيت بكره مو طبيعي لأعدائها وظالميها عليهم لعائن الله والناس والملائكة أجمعين , وبعدين تعلقت فيها حييل لمن شفتها بالمنام وكنت انا وحواليني ناس قعدين في بيت قديم مثل البيوت على زمان رسول الله صل الله عليه وآله فجأه انفتح الباب وطلع منه نور وتقدم النور هذا لي ومسكت ايدي وعطتني شي مثل ألماسه كبيرة شوي كبر كف اليد ولمن راحت سألني واحد وقالي تعرفين منو هذه ؟ قلتله لا قالي هذه مولاتي الزهراء عليها السلام , بس مرّت سنين وايد ومافسرته عدل ومن شهر فسرته لي صديقة , بعد سنة من قرائتي عن الامام الحسين والزهراء وأهل البيت عليهم السلام وعقيدة الشيعة قررت اني اركب سفينة النجاة واتبع محمد وآل محمد ..
مرت 4 سنين على حالتي وانا اقرا مرات واسمع محاضرات وغيرها , في محرم السنه الي فاتت قرأت زيارة عاشوراء بنيّة التقرب أكثر من الامام الحسين عليه السلام وفعلاً بأقل من 10 أيام قمت أحس ان كرهت الدنيا وبس حياتي ابيها لأهل البيت عليهم السلام , استمريت على حالي جذي كثر ما اقدر ما اسوي ذنوب وازعل اهل البيت عليهم السلاام مني .. في النصف من شهر رمضان من هذه السنة رأيت بالمنام اني كنت انا واهلي بمستشفى ولكن شكلة مو مستشفى ودخلنا وصعدنا اصنصير وايضاً شكله مو اصنصير , وصلنا الدور الاول وكان في ممر وغرفة براس الممر مسكرة وبجانبها غرفة على يمينها , احنا كلنا دخلنا الغرفة ورحنا صوب مريض بحريني وانا واهلي كلنا وقفنا بجانب سرير المريض وفجأه انا خليتهم ورحت عند الباب .. فجأه الباب اللي على رأس الممر انفتح وطلع منه نوور وفجأه طلع منه رجل لابس ابيض وعمامة سودا ويطلع منه نور وكان راكب حصان انا هني عرفت ان اهو الامام صاحب العصر الحجة المنتظر عجل الله فرجه الشريف ومشى بالحصان على الممر وراح وبعدين انا دخلت الغرفة اللي طلع منها وكانت الغرفة تفتح النفس وبيضا ونور وقعدت على سرير وبعدين مره ثانية دخل الامام الغرفة بعدين ما اذكر شنو صار ..
بعد المنام بأيام قليلة بديت أحس بشغلات غريبة , أحس ان الامام المهدي عجل الله فرجه حواليني 24 ساعة عن يميني ومرت الايام وقمت أحس بأهل البيت عليهم السلام أكثر شي الامام الحسين عليه السلام والامام المهدي عجل الله فرجه والعباس عليه السلام , مرات اشوف صورتهم بعيني وانا اطالع الناس ومرات احس فيهم وين واقفين وشلون واقفين صورتهم بعيني بس التفت ما اشوفهم , وأشوف صورة ابا الفضل العباس عليه السلام بجدار غرفتي وصورة رجل اخر لابس عمامة بس ماعرف عدل منو اهو لكن احساسي يقولي اهو الامام الحسين عليه السلام , ومرات احس بنور حواليني بس بسرعة يروح مثل الشرار , ومرات احس بظل فوقي وانا اصلي وأحد واقف عن يميني وانا اصلي , ومرات اشوف ظلال وطيوف بيضه بس بسرعة تروح
بيوم من الايام سويت أعمال لرؤية اهل البيت عليهم السلام بالمنام , كنت كل ما اسوي هالاعمال وانا نايمة قبل لا انام لساني يلهج بذكر اهل البيت عليهم السلام ولمن اغفي وانام أحد يهز ايدي عشان اقعد بالاول انا عبالي أمي تقعدني بس اتذكر ان انا مقفلة باب غرفتي , وهالشي تكرر 3 مرات مرتين يهز ايدي عشان اقعد ع صلاة الصبح ومره يهز ظهري وعلى نفس السبب .. وحلمت مره ان اهلي حواليني يحاولون يأذوني وانا ابا الفضل العباس عليه السلام وكان الطريق ينفتح عشان انجو ..
وشكثر قمت أحس بأهل البيت عليهم السلام ..
وانا كتبت موضوعي هذا لأن أبيكم تساعدوني اني اتقرب من الله تعالى وأهل البيت عليهم السلام واني أشوف أهل البيت واكلمهم لان الشوق لهم ولرؤيتهم ذبحني وكثيراً أفكر بالامام الحسين عليه السلام , من غير مبالغة مايمر ربع ساعة الا والامام الحسين عليه السلام كله ببالي وأسرح فيه وشلون انا أوصل له عشان أشوفه وأشكيله لأن انا متعذبة ومحرومة ومالي غير رؤيته
أتمنى تساعدوني للوصول لمولاي الحسين عليه السلام .. وشكراً


اللهم صل على محمد وآل محمد وعجل فرجهم وألعن أعدائهم الاولين والآخرين من الآن الى قيام يوم الدين آمين

[مجيب السائل]

بسم الله الرحمن الرحيم

اللهم صل على محمد وآل محمد الطيبين الطاهرين الأشراف وعجّل فرجهم يا كريم

السلام عليكم ورحمة الله وبركاته

السلام عليكم ..
أنا بنت متشيعة صارلي تقريباً 6 سنوات ..
سبب تشيعي رفيجتي ..
في يوم من الأيام بالمدرسة اهيا كانت غايبة وانا استغربت ليش اهيا غابت وماقالتلي ثاني يوم لما داومت سألتها ليش غبتي قالتلي لأن امس كان عاشوراء , وسألتها شنو يعني , وشرحتلي ببساطة وعلى السريع شنو صار بعاشوراء , انا هني حسيت بشي غريب حسيت بفضول موطبيعي أبي أعرف ليش اهو انقتل وليش الشيعة يغيبون عشانه وشنو السبب وأسأله كثيرة خطرت فبالي , أول مارديت فتحت الكمبيوتر وقعدت أقرا شوي شوي وصرت كل يوم اقرا عن الامام الحسين عليه السلام ورفيجتي كانت تقولي شغلات بسيطة وانا ارد البيت وأبحث بحث مفصل عنها بعد الامام الحسين عليه السلام قريت عن مولاتي الزهراء عليها السلام وشلون اهيا انظلمت روحي فداها وكانت صدمة قوية بالنسبة لي وفجأه حسيت بكره مو طبيعي لأعدائها وظالميها عليهم لعائن الله والناس والملائكة أجمعين , وبعدين تعلقت فيها حييل لمن شفتها بالمنام وكنت انا وحواليني ناس قعدين في بيت قديم مثل البيوت على زمان رسول الله صل الله عليه وآله فجأه انفتح الباب وطلع منه نور وتقدم النور هذا لي ومسكت ايدي وعطتني شي مثل ألماسه كبيرة شوي كبر كف اليد ولمن راحت سألني واحد وقالي تعرفين منو هذه ؟ قلتله لا قالي هذه مولاتي الزهراء عليها السلام , بس مرّت سنين وايد ومافسرته عدل ومن شهر فسرته لي صديقة , بعد سنة من قرائتي عن الامام الحسين والزهراء وأهل البيت عليهم السلام وعقيدة الشيعة قررت اني اركب سفينة النجاة واتبع محمد وآل محمد ..
مرت 4 سنين على حالتي وانا اقرا مرات واسمع محاضرات وغيرها , في محرم السنه الي فاتت قرأت زيارة عاشوراء بنيّة التقرب أكثر من الامام الحسين عليه السلام وفعلاً بأقل من 10 أيام قمت أحس ان كرهت الدنيا وبس حياتي ابيها لأهل البيت عليهم السلام , استمريت على حالي جذي كثر ما اقدر ما اسوي ذنوب وازعل اهل البيت عليهم السلاام مني .. في النصف من شهر رمضان من هذه السنة رأيت بالمنام اني كنت انا واهلي بمستشفى ولكن شكلة مو مستشفى ودخلنا وصعدنا اصنصير وايضاً شكله مو اصنصير , وصلنا الدور الاول وكان في ممر وغرفة براس الممر مسكرة وبجانبها غرفة على يمينها , احنا كلنا دخلنا الغرفة ورحنا صوب مريض بحريني وانا واهلي كلنا وقفنا بجانب سرير المريض وفجأه انا خليتهم ورحت عند الباب .. فجأه الباب اللي على رأس الممر انفتح وطلع منه نوور وفجأه طلع منه رجل لابس ابيض وعمامة سودا ويطلع منه نور وكان راكب حصان انا هني عرفت ان اهو الامام صاحب العصر الحجة المنتظر عجل الله فرجه الشريف ومشى بالحصان على الممر وراح وبعدين انا دخلت الغرفة اللي طلع منها وكانت الغرفة تفتح النفس وبيضا ونور وقعدت على سرير وبعدين مره ثانية دخل الامام الغرفة بعدين ما اذكر شنو صار ..
بعد المنام بأيام قليلة بديت أحس بشغلات غريبة , أحس ان الامام المهدي عجل الله فرجه حواليني 24 ساعة عن يميني ومرت الايام وقمت أحس بأهل البيت عليهم السلام أكثر شي الامام الحسين عليه السلام والامام المهدي عجل الله فرجه والعباس عليه السلام , مرات اشوف صورتهم بعيني وانا اطالع الناس ومرات احس فيهم وين واقفين وشلون واقفين صورتهم بعيني بس التفت ما اشوفهم , وأشوف صورة ابا الفضل العباس عليه السلام بجدار غرفتي وصورة رجل اخر لابس عمامة بس ماعرف عدل منو اهو لكن احساسي يقولي اهو الامام الحسين عليه السلام , ومرات احس بنور حواليني بس بسرعة يروح مثل الشرار , ومرات احس بظل فوقي وانا اصلي وأحد واقف عن يميني وانا اصلي , ومرات اشوف ظلال وطيوف بيضه بس بسرعة تروح
بيوم من الايام سويت أعمال لرؤية اهل البيت عليهم السلام بالمنام , كنت كل ما اسوي هالاعمال وانا نايمة قبل لا انام لساني يلهج بذكر اهل البيت عليهم السلام ولمن اغفي وانام أحد يهز ايدي عشان اقعد بالاول انا عبالي أمي تقعدني بس اتذكر ان انا مقفلة باب غرفتي , وهالشي تكرر 3 مرات مرتين يهز ايدي عشان اقعد ع صلاة الصبح ومره يهز ظهري وعلى نفس السبب .. وحلمت مره ان اهلي حواليني يحاولون يأذوني وانا ابا الفضل العباس عليه السلام وكان الطريق ينفتح عشان انجو ..
وشكثر قمت أحس بأهل البيت عليهم السلام ..
وانا كتبت موضوعي هذا لأن أبيكم تساعدوني اني اتقرب من الله تعالى وأهل البيت عليهم السلام واني أشوف أهل البيت واكلمهم لان الشوق لهم ولرؤيتهم ذبحني وكثيراً أفكر بالامام الحسين عليه السلام , من غير مبالغة مايمر ربع ساعة الا والامام الحسين عليه السلام كله ببالي وأسرح فيه وشلون انا أوصل له عشان أشوفه وأشكيله لأن انا متعذبة ومحرومة ومالي غير رؤيته
أتمنى تساعدوني للوصول لمولاي الحسين عليه السلام .. وشكراً

- ما يحدث لكم هو تعرضكم لجذبات روحية مع أهل البيت سلام الله عليهم ، ومن أعراض هذه الحالة هو الشوق الكبير لهم والحزن الشديد لمصابهم والحنين لزيارتهم ، أغتنموا أوج ساعات الجذبات بالتوسل والدعاء في طلب صلاح أمركم ، وأن تكونوا بعينهم سلام الله عليهم .

والله أعلم .


(يا علي يا علي يا علي(313))